Bes Kallaku dhe Erion Isai ishin një nga dyshet më të pëlqyera në Portokalli, ku batutat e tyre u përvetësuan dhe nga publiku, pa dallim moshe.
Por, që nga shkëputja e tyre nga programi humoristik, dyshja i mungon shumë ekranit. Megjithatë Besi dhe kolegu i tij Erion Isai pritet të kthehen shumë shpejt në ekran me një emision të tyrin. Sipas burimeve të Gazetës Express mendohet se dyshja e aktorëve do të realizojnë një emision në televizionin Klan Plus.
Në fakt pritej një rikthimit i Kallakut në ekran ndonëse është aluduar për televizione të ndryshme duket se do të jetë në Klan Plus qëndrimi i tij. Aktualisht ai dhe bashkëshortja e tij Xhensila Myrtezaj janë në pritje të fëmijës së tyre të parë, e cila do të jetë vajzë.
