Balerina e njohur italiane Carla Fracci vdiq në Milano, ndërkohë që do të kishte mbushur 85 vjeç më 20 gusht.
“Është tronditëse që ‘La Scala’ njofton vdekjen e Carla Fraccit, në shtëpinë e saj në Milano. Teatri, qyteti dhe baleti humbën një figurë historike dhe legjendare që ka lënë gjurmë shumë të forta në identitetin tonë dhe ka dhënë një kontribut themelor në prestigjin e kulturës italiane në botë”, thotë teatri i njohur në një deklaratë.
E lindur në 1936 në Milano, ajo ndërtoi pjesën qendrore të karrierës së saj duke studiuar në shkollën e vallëzimit në ”La Scala”.
Në 1955 ajo bëri debutimin e saj të parë në skenën ”Piermarini”, një trampolinë për teatrot më të famshëm në botë.
Bijë e një shoferi tramvaji, ajo filloi të kërcejë që në moshën 10 vjeç dhe u diplomua në 1954.
Në krah të tij, partnerë të mëdhenj ishin Rudolf Nurejev, Vladimir Vasiliev, Henning Kronstam, Mihail Baryshnikov, Amedeo Amodio dhe Paolo Bortoluzzi.
