“Kryeministri shqiptar Edi Rama dërgoi policë dhe forca të tejra shtetërore, për të shkatërruar një nga institucionet kulturore kryesore të vendit dhe një nga ndërtesat e pakta të vjetra në kryeqytetin e shqiptarëve, Tiranë”. Kështu e nis editorialin prestigjozja franceze “Le Monde”. Më pas ajo vazhdon duke bërë një pasqyrim të asaj që ka ndodhur me teatrin ndër vite dhe në mëngjesin e herët të 17 majit.
Ndër të tjera, në artikullin e medias së njohur franceze shkruhet:
“Kryeministri shqip
tar Edi Rama nuk le rast pa nxjerrë në pah karrierën e tij si një artist vizual dhe shijet e tij si piktor. Kur ishte kryetar i Bashkisë së Tiranës, nga viti 2000 deri më 2011, ai u bë i njohur në botë, për shkak se ndërtesat e ndërtuara në kohën e komunizmit, i pikturoi me ngjyra të shëndrrishme. Ndonjëherë me motivet e vetë artit të tij, ai e bëri kryqytetin shqiptar dhe lagjet e tij të jepnin ndjesinë e një galerie në qiell të hapur.
Mirëpo, të dielën e datës 17 maj, po Edi Rama, 55 vjeç, tashmë kryeministër që prej 2013-ës, dërgoi policë dhe të tjerë persona për të shkatërruar një nga godinat më të vjetra dhe një nga sallat e rralla të spektaklit në Tiranë, Teatrin Kombëtar. Brenda në ndërtesë kishte një dyzinë artistësh dhe pjestarë të opozitës, që kishin rezistuar në protesta për më shumë se dy vjet, por u larguan me forcë nga policia.
“Ata (policët) erdhën në orën 04:15 të mëngjesit. Ne ishim ende rreth 60 persona, kur ata filluan që të ngrenë bull-dozerin kundër godinës së Teatrit Kombëtar”-thotë regjisori dhe aktori Edmond Budina, një nga përfaqësuesit e Aleancës për Mbrojtjen e Teatrit. Një kolektiv që proteston që nga 2018 kundër prishjes së TK, godina e të cilit ishte ndërtuar që në vitin 1940, në kohën e pushtimit italian të Shqipërisë. Edhe një demonstrim spontan, ku morën pjesë liderë të opozitës, u shpërnda brutalisht. ”
Artikullin e plotë mund ta lexoni duke klikuar këtu.
Burimi: News31.al
