Pas më shumë se dy dekada në Francë do të rikthehet sërish impresionisti holandez Vincent Van Gogh.
Bëhet fjalë për një pikturë peisazh, i cili është shfaqur në Paris të mërkurën pritet të shitet nga 3 deri në 5 milionë euro kur të dalë në ankand në muajin qershor.
E realizuar në vitin 1988, në vitet e para të karrierës së artistit, piktura u frymëzua nga jeta në fshatrat rreth Hagës, ku Van Gogh kaloi një kohë të shkurtër, por shumë të rëndësishme për krijimin e stilit të tij artistik.
Organizatorët e ankandit thonë se rëndësia e pikturës theksohej nga fakti se ajo kishte qëndruar e varur për 25 vjet, në muzetë me prestigjoze të botës.
Si peisazhi i vetëm i realizuar nga artisti holandez gjatë kësaj periudhe në karrierën e tij, ajo përmban shumë elementë që më vonë do të bëheshin simbole të punës së tij, përfshirë qiejt e veshur nga retë.
Në një letër për vëllain e tij Theo, Van Gogh tregonte se sa shumë ishte impresionuar nga gratë fshatare, të cilat pasqyrohen teksa lëvizin nëpër arat me kokat e mbuluara me shami. Ankandi do të zhvillohet në 4 qershor në kryeqytetin francez.
