Në blogun e saj, ylli 23 vjeçar ka falënderuar fansat: "Falë mendimeve pozitive dhe dëshirës unë jam shëndoshë e mirë. Jam duke u shëruar plotësisht dhe jam super e lumtur, e qetë dhe pozitive”,- ka thënë ajo. Ylli i ri gjithashtu i falenderoi të gjithë për votimin si pasojë e të cilit fitoi çmimin Video më e mirë Pop për "Rolling in the deep" në MTV Video Music Awards që u mbajt javën e shkuar në Mbretërinë e Bashkuar. Këngëtarja në tetor u detyrua të anullonte të gjitha koncertet e planifikuara deri në fund të vitit për shkak të hemoragjisë në kordat e zërit. Operacioni shkoi mirë ndaj Adele mori "dritën jeshile" nga stafi mjekësor për t’u rikthyer e kënduar, por vetëm pas një periudhe pushimi.
Advertisement
