Që prej 11 nëntorit keni mundur të dëgjoni nëpër radio "Cold Night December", singëllin e parë të marrë nga ky album. Kjo balladë e mrekullueshme n’a rikthen në atmosferën e këngës së famshme të artistit "Home". Bublé i ka dhënë prekjen speciale jo vetëm këtij singëlli të papublikuar kurrë më parë, por edhe klasikëve si "Silent Night", "Have Yourself A Merry Little Christmas", "It's Beginning To Look A Lot Like Christmas" dhe "Santa Claus Is Coming To Town". "Christmas" është prodhuar nga David Foster, Bob Rock dhe Humberto Gatica e regjistruar kryesisht në Capitol Recording Studios të Hollywood dhe në Warehouse Studios të Vancouver-it. Në këtë album është edhe një bashkëpunim me Shania Twain në këngën "White Christmas" dhe me Puppini Sisters në "Jingle Bells". Ky disk me atmosferë Krishtlindjesh mbërrin pas atij të vitit 2009 me titull "Crazy Love" që shiti plot 7 milion kopje në mbarë botën dhe është çertifikuar si disk platini në shumë vende mdis të cilave Amerikë, Britani e Madhe, Kanada dhe Itali. Bëhuni gati të pushtoheni nga atmosfera e ngrohtë e Krishtlindjeve me këngën "Cold Night December".
