Sipas raportimeve të mediave ndërkombëtare, roboti do të dërgohet në thellësitë e minierës Pike River, në Ishullin e Jugut. Ndërkohë, inxhinierët janë pranë përfundimit të gërmimeve në kuadër të një testi për të futur ajrin në minierë. Më herët, drejtori i forcave të policisë deklaroi se miniera nuk ishte ende e sigurtë që skuadrat e shpëtimit të hynin në të dhe se situata po bëhej më e komplikuar. “Kjo është një situatë jashtëzakonisht e rrezikshme. Rreziku për një shpërthim të dytë mbetet i lartë”, ka deklaruar Houard Broad.
