Norvegjia është vendi më i lumtur në botë, sipas raportit më të fundit të një Agjencie të Kombeve të Bashkuara, duke zbritur nga maja e podiumit fqinjin e saj Danimarkën.

Raporti mbi lumturinë në botë mat përgjithësisht “mirëqenien subjektive”, apo thënë ndryshe sa të lumtur janë njerëzit dhe përse ndihen të tillë.

Danimarka, Islanda, Zvicra dhe Finlanda janë vendet që pasojnë novergjezët, ndërkohë që vendi që duhet shmangur në këtë aspekt është Republika e Afrikës Qendrore, e fundit në listë.

Europa perëndimore dhe Amerika veriore dominojnë vendet kryesore në renditje, duke qenë se Shtetet e Bashkuara të Amerikës dhe Britania e Madhe renditen në vendet 14 dhe 19 respektivisht.

Raporti botëror i lumturisë është publikuar pikërisht të hënën, më 20 mars, për të koinçiduar me Ditën Ndërkombëtare të Lumturisë, sipas OKB-së