Mund të kenë kaluar gati tre dekada që nga vdekja e Kurt Cobain, por ka shumë njerëz që ende nuk besojnë se vetëvrasja ishte shkaku i vdekjes së tij.
Njëri prej tyre është autori Ian Halperin, i cili ka pohuar se ka prova që tregojnë se Cobain kishte 70 herë më shumë dozë vdekjeprurëse të drogës, heroinës, në trup, kur u gjet i vdekur në shtëpinë e tij. Ai e bëri të qartë se shkencërisht, nuk ka kuptim që ylli i muzikës të ketë vrarë veten me armë.
“Në bazë të provave që kam, Cobain u vra”, tha Halperin ekskluzivisht për The Sun. “Ai kishte 70 herë më shumë dozë vdekjeprurëse heroine në trup. Ekspertët mjeko-ligjorë të patologjisë thonë se është e pamundur që dikush të përballojë kaq shumë heroinë për më shumë se një sekondë, e lëre më të kthehet, të ngrejë një armë gjahu dhe të vrasë veten me të.
Sipas Halperin, Curt në atë kohë “kishte hequr dorë nga droga”:
“Ai u kthye nga rehabilitimi dhe donte një fillim të ri në jetë. Dikush e qëlloi. Me shumë mundësi dy persona. Gjithashtu, dua të shtoj se nuk kishte gjurmë gishtash në armën që gjetën. Të vdekurit s’kanë si t’i fshijnë gjurmët e tyre.”
Në mars 1994, Cobain e teproi me një kombinim të shampanjës dhe Rohypnol, dhe më pas hyri në një ndërhyrje dhe iu nënshtrua një programi detoksifikimi. Më 8 prill 1994, Cobain u gjet i vdekur në shtëpinë e tij në Seattle në moshën 27 vjeçare; Policia arriti në përfundimin se ai kishte vdekur më 5 prill nga një plagë e vetëshkaktuar në kokë.
