Reperja Megan Thee Stallion është shtuar në spital pasi nuk u ndje mirë në mes të performancës së saj të “Moulin Rouge! The Musical”, në New York.
“Megan filloi të ndihej shumë keq dhe u transportua menjëherë në një spital lokal, ku simptomat e saj po vlerësohen aktualisht”, tha zëdhënësi për mediat amerikane.
31-vjeçarja po performon si Zidler -prezantuesja ekscentrike e ceremonive të shfaqjes- duke shënuar debutimin e saj shumëpritur në Broadway.
Thee Stallion është planifikuar të luajë rolin e Zidler deri më 17 maj. Përpara premierës së saj, ajo shprehu entuziazëm.
Megan Thee Stallion është më e njohur për hitet e saj, duke përfshirë Savage, WAP dhe Body. Në vitin 2021, ajo fitoi tre çmime Grammy për Këngën më të Mirë Rep, Artistin më të Mirë të Ri dhe Performancën më të Mirë Rep. Vitin pasardhës ajo u nominua për Albumin e Vitit.
Harold Zidler u luajt për herë të parë nga Danny Burstein në kastin origjinal të Broadway-t të Moulin Rouge dhe fitoi një çmim të lakmuar Tony në vitin 2020 për të. Kohët e fundit, artisti i famshëm drag Bob, Drag Queen, luajti rolin e Zidler në muzikal për tetë javë më parë këtë vit.
