Turqi – NATO diskuton sot për Kosovën

Dje kanë diskutuar për misionin e trupave të tyre në Afganistan, konkretisht për rritjen e kapaciteteve të Aleancës për aftësimin e forcave afgane të sigurisë. Ndërkaq, pritet që sot të diskutohet edhe për Kosovën, duke pasur parasysh vendimin e 1 shkurtit për reduktimin e trupave të KFOR-it në këtë vend. Pritet që në takim të konfirmohet se ky numër mund të reduktohet në 5700 trupa, deri në fund të vitit 2010, nëse situata në Kosovë mbetet e qetë. I pranishëm në këtë takim është edhe ministri i Mbrojtjes, Arben Imami i cili pas takimit, do të udhëtojë për në Mynih të Gjermanisë, ku më datë 6 dhe 7 shkurt do të zhvillohet Konferenca e Sigurisë, me pjesëmarrjen e personaliteteve të politikës evropiane dhe më gjerë.