5.7 miliardë dollarë fitime duket se ka sjellë në ekonominë amerikane, turneu i Taylor Sëift, ”Eras”. Me më shumë se 50 data, pjesa e turneut në SHBA filloi në Stadiumin State Farm në Glendale, Arizona në mars dhe përfundoi me gjashtë shfaqje në stadiumin SoFi në Inglewood, Kaliforni në gusht.
Washington Post publikoi numrat pas turneut, duke raportuar se performanca e saj në SoFi Stadium i solli rreth 320 milionë dollarë vetëm ekonomisë së Los Anxhelosit.
‘Eras’ pritet gjerësisht të bëhet turneu me fitimet më të larta të të gjitha kohërave dhe do të kthehet në SHBA vjeshtën e ardhshme për koncerte të mëtejshme të Amerikës së Veriut, duke përfshirë gjashtë netë në Kanada në Rogers Center në Toronto.
Turneu është aktualisht në ndërprerje pritet të fillojë në Amerikën e Jugut në nëntor, përpara se të shkojë në Japoni, Australi dhe Singapor në fillim të vitit 2024, përpara se të mbërrijë në Evropë në maj.
‘Eras Tour’ udhëhoqi rrugën në ndarjen e të ardhurave në gjysmën e parë të 2023, duke fituar 300.8 milionë dollarë nga 22 netët e para me një total prej 1.1 milionë biletash të shitura për një çmim mesatar prej 253.56 dollarë.
Ndërkohë, filmi “Eras Tour” ka një fillim të shkëlqyeshëm në arkë, pas premierës në 100 vende më 13 tetor. Washington Post raporton se fitoi 96 milionë dollarë në SHBA dhe 128 milionë dollarë në mbarë botën gjatë fundjavës së hapjes, hapja më e madhe për një film koncerti në histori.
