Tiranë | Topalli: gratë që kanë fituar ndaj kancerit të gjirit janë shembull shprese

“E konsideroj prioritet diagnostifikimin e kësaj sëmundje si dhe kapjen sa më në kohë të saj, në mënyrë që të ulet numri i rasteve të grave të prekura”, u shpreh kryeparlamentarja. Ajo shtoi më tej se, statistikat tregojnë se në botë në çdo 3 minuta një grua, preket nga kanceri i gjirit, dhe po në të njëjtën masë është edhe numri i rasteve të vdekjeve. Sipas saj, bërja e mamografisë dhe lufta kundër kancerit të gjirit do të vazhdojë pafundësisht, duke bërë që rastet të kurohen dhe të kapen sa më shpejt. Ndër të tjera kryeparlamentarja tha se një rol të rëndësishëm për sensibilizimin lidhur me këtë sëmundje e luan edhe media, e cila si dhe për çështje të tjera me interes jetik zë vend dhe merr një rol kyç, në jetën e qytetarëve.