“Zoti le të bëjë që njerëzimi nga Lindja deri në Perëndim të jetojë në paqe dhe në begati të plotë”, ka drejtuar ai lutjen në ditën e madhe të këtij komuniteti fetar. Sipas Baba Reshatit, njerëzit duhet t’i kthehen Zotit dhe besimit, për të gjetur në këtë mënyrë rrugën e drejtë të të jetuarit. Duke dënuar hipokritët, të pabesët dhe atë njeri që kundërshton Zotin, Baba Reshati tha se bota ka nevojë për qartësi dhe paqe. Dita e Novruzit sinjifikon për besimtarët bektashinj ditëlindjen e të madhit Imam Aliu në Qabe. Kjo ditë në fakt përkon edhe me fillimin e vitit të ri sipas sektit bektashian, duke shënuar për të gjithë besimtarët e kësaj feje ditën e fisnikërisë bektashiane si dhe ditën e ringjalljes së madhe.
