Megjithatë ende nuk dihet nëse Shaqiri dhe Rama do të pranojnë të dëshmojnë para këtij komisioni. Të dy institucionet janë kritikuar për situatën e 21 Janarit dhe mënyrën se si e menaxhuan atë. Prokuroria kritikohet kryesisht për lëshimin e urdhër-ndalimeve ndaj 6 gardistëve që mbrojtën Këshillin e Ministrave. Ndërsa Shërbimi Informativ Shtetëror për mosdhënien e informacioneve paraprake mbi dhunën e ushtruar gjatë demonstratës së 21 Janarit. Deri tani, kanë dëshmuar para këtij komisioni hetimor parlamentar kryeministri i vendit, Sali Berisha dhe ministri i Brendshëm, Lulëzim Basha. Ndërsa pritet që nesër të dëshmojë Presidenti i Republikës, Bamir Top; pasnesër kreu i Policisë së Shtetit, Hysni Burgaj dhe komandanti i Gardës së Republikës, Ndrea Prendi dhe në datën 5 Shkurt do dëshmojë kryetarja e Kuvendit, Jozefina Topalli.
