Tiranë | Rama: Sesioni i ri Parlamentar për reformë në drejtësi

Kryeministri Edi Rama siguroi se sesioni i ri parlamentar do të jetë sesioni i reformës rrënjësore të drejtësisë dhe thellimit të reformave antikorrupsion në çdo fushë e pa dallim.

Përmes një postimi në rrjetin social Facebook, Kryeministri siguroi se “reforma nuk do të ndalet”. “Më shumë se keqardhje për “shpjegimet” e Presidentit! Për shqiptarët e botën kanceri është drejtësia, për Presidentin problemi është qeveria”, shkruan Kryeministri Rama në Facebook.