Ai ka theksuar se tashmë nuk ka më kohë për këto ndryshime. “Është fakt i njohur botërisht që PD-ja ka bërë ofertën e saj që të gjithë rekomandimet e OSBE/ODIHR të bëheshin në kohën e duhur”, tha sot Patozi. Deklarata e tij u bë sot në takimin e partive parlamentare, ku partitë që janë pjesë e mazhorancës kanë propozuar një draft marrëveshje për të zhvilluar zgjedhje me standarde. Pas refuzimit të Partisë Socialiste, Patozi u shpreh se “jo çdo pretendim i PS-së është i pranueshëm”. Ai u shpreh se në dokumentin e PD-së janë përfshirë një pjesë e mirë e çështjeve që ka kërkuar Partia Socialiste.
