Burime nga selia rozë thanë se në mbledhjen e sotme është diskutuar edhe për rendin e ditës që do të mbahet në seancë dhe qëndrimin e opozitës ndaj çështjeve të ndryshme. Në mbledhjen e Grupit Parlamentare Socialist është diskutuar dhe për aktin normativ të qeverisë, që pritet të miratohet se shpejti, i cili u heq ish-ushtarakëve pensionet suplementare. Pritet që në Kuvend të ketë debate të ashpra mes dy palëve për heqjen e pagesës suplementare të rreth 7400 ish-ushtarakëve.
