Tiranë – Haxhinasto: të hetohet raporti i Marty-t

Gjatë takimit, Haxhinasto theksoi potencialin dhe nevojën e thellimit të mëtejshëm të marrëdhënieve dypalëshe. Ndërkaq, Haxhinasto u shpreh se akuzat për trafik organesh Shqipëri-Kosovë të paraqitura në raportin e Dik Martyt nuk janë të verteta, dhe janë të pabazuara në fakte. Pak ditë më parë, Dik Marty, anëtari për çështjet ligjore për të drejtat e njeriut në Asamblenë Parlamentare të Këshillit të Evropës prezantoi Raportin e tij ku thuhej se kryeministri i Kosovës, Hashim Thaci akuzohet për përfshirje të tij dhe pjesëtarëve të ish-UCK-së në trafikim me organet njerëzore, dhe për këtë, Haxhinasto kërkoi që ky raport te hetohet deri në pikën e fundit.