Pjesë e urimit të tij për këtë ditë që e cilësoi si një ditë reflektimi, ishte dhe dhënia e lajmit se tashmë rruga është e hapur për ndërtimin e xhamisë së re të kryeqytetit. “Përfundimisht është zgjidhur dhe çështja e pronësisë së terrenit ku do të ndërtohet xhamia këtu pranë. Pas faljes së afro 3 mijë metrave katror nga shteti dhe kombinimit me një parcelë tjetër prej 3mijë metrash katrorë, pas gjashtë muaj negociatash dhe marrveshjesh me pronarin e truallit, është hapur rruga e proçesit të ndërtimit të xhamisë së re. Ndërkohë presim që brenda javës së ardhshme projektuesit të sjellin konceptet e para për ndërtimin e xhamisë në mënyrë që të fillojmë sa më shpejt nga puna, që ti japim qytetit këtë institucion të munguar”, tha ai. Në urimin e tij Kryebashkiaku u shpreh se “kjo është një ditë reflektimi për të gjithë njerëzit. Në veçanti reflektim për udhëheqësit politike të vendit që të shohin më shumë për interesat e vendit dhe më pak ato grupore apo partiake”.
