Të paktën 20 persona kanë vdekur pas shembjes së një xhamie në Mianmar nga tërmeti i fuqishëm që goditi vendin e Azisë Juglindore të premten, ndërsa 3 persona raportohen të vdekur në Bangkok.
Ekipet e shpëtimit po kërkojnë në rrënoja ku një numër i panjohur njerëzish mendohet të jenë të bllokuar.
Junta ushtarake që sundon Mianmarin që nga një grusht shteti në vitin 2021 ka shpallur gjendje të jashtëzakonshme në rajonet e Sagaing, Mandalay, Magëay, Bago, Easter Shan dhe Naypyidaë.
Sipas raportimeve të mediave lokale, ajo ka bërë thirrje për ndihmë ndërkombëtare.
Zyrtarët do të hetojnë dëmet dhe do të fillojnë bashkërendimin e shpëtimit në zonat e prekura.
Ndërkohë Shërbimi Gjeologjik i SHBA-së ka lëshuar një alarm të kuq për viktima dhe dëme pas tërmetit me magnitudë 7.7 në Mianmar.
Faqja e saj flet për “një numër i madh viktimash dhe dëme të mëdha”.
Agjencia thotë se “ka të ngjarë të regjistrohen mijëra vdekje”.
