Swift kërkon ndihmë nga Jolie

Taylor Swift ka gjetur një shpatull të famshme për t’u mbështetur teksa nëna e saj përgatitet të nisë betejën e gjatë me kancerin.
Bëhet fjalë për aktoren e famshme Angelina Jolie.
Sipas “The National Enquirer”, 25-vjeçarja ka vendosur që të mbështetet tek aktorja gjatë kësaj periudhe të vështirë në jetën e saj.
Një burim i tha tabloidit amerikan se Swift e admiron Jolie për ndërgjegjësimin që ajo ka bërë në publik lidhur me rrezikun ndaj kancerit, ndaj dhe beson se aktorja është njeriu i duhur për të patur pranë.
Vetëm pak javë më parë, këngëtarja amerikane deklaroi se nëna e saj Andrea ishte diagnostikuar me kancer. Jolie nga ana tjetër, nënën e saj e humbi për shkak të kancerit ovarian, ndërsa vetë aktorja 39 – vjeçare i është nënshtruar disa ndërhyrjeve, si mastektomisë së dyfishtë e heqjes së vezoreve, në përpjekje për të parandaluar kancerin.

Advertisement