Të shumtë janë personat që qëndrojnë nëpër hotele edhe për periudha më të gjata se thjesht për pushim. Në Grand Midwest Expres Hotel, një hotel me 4 yje, kishin dy muaj që qëndronin dhe protagonistët e kësaj përralle që do t’ju tregojmë. Një famlije nga Kazakistani (babai, mamaja shtatzënë dhe një fëmijë 5 vjeç) po qëndronte në hotel prej mëse dy muajsh. Të hënën e shkuar kur gruaja ka dalë nga dhoma ndjeu se i filluan dhimbjet e lindjes. Mundi të zbriste deri në holl dhe i kërkoi personelit që t’i sillnin çarçafë e peshqirë. Bebja lindi në hotel, pasi koha për të shkuar në spital nuk mjaftonte. Pronari i hotelit Mohammad Arshad Shah ishte shumë i lumtur për këtë episod dhe ka vendosur që të festohej. “Unë kam 6 fëmijë dhe ky fëmijë është pjesë e familjes sime që këtej e tutje”,- ka thënë ai. Dhe si ka festuar “babi” jobiologjik? I ka dhuruar bebes së porsalindur qëndrime falas, për gjithë jetën në Grand Midwest Xpress Hotel në Dubai. Sigurisht që edhe prindërit e tij kanë fituar disa ditë qëndrimi falas në këtë hotel.
