Studim i fundit: Kombinimi i këtyre dy ilaçeve mund të jetë një shpëtim për tumoret

Një trajtim i ri i kancerit, mund të largojë tumoret tek pacientët me sëmundje të kancerit në kokës dhe qafë, kanë zbuluar së fundmi shkencëtarët.Në një provë historike, një përzierje ilaçesh imunoterapie shfrytëzoi sistemin imunitar të pacientëve, për të vrarë qelizat e tyre të kancerit dhe nxiti “një prirje pozitive për mbijetesë”, sipas studiuesve në Institutin e Kërkimeve të Kancerit (ICR), Londër.

Shkencëtarët zbuluan se kombinimi i barnave nivolumab dhe ipilimumab çoi në një reduktim të madhësisë së tumoreve tek pacientët me kancer në kokë dhe qafë. Në disa, kanceri u zhduk krejtësisht, gjë që i la mjekët të habitur që nuk gjetën asnjë shenjë të sëmundjes.

Advertisement

Kombinimi i dy ilaçeve të imunoterapisë mund të provojë një armë të re efektive kundër disa formave të kancerit të avancuar, besojnë ekspertët. Rezultatet nga provat e tjera të kombinimit të ilaçeve kanë sugjeruar më parë përfitime të ngjashme për pacientët me kancer të veshkave, lëkurës dhe zorrëve.

Përveç rritjes së shanseve afatgjata të mbijetesës së pacientëve, thanë shkencëtarët, trajtimi me imunoterapi gjithashtu shkaktoi shumë më pak efekte anësore në krahasim me natyrën shpesh rraskapitëse të kimioterapisë “ekstreme”, e cila është trajtimi standard i ofruar për shumë pacientë me kancer të avancuar.

“Këto janë rezultate premtuese,” tha Prof Kristian Helin, shefi ekzekutiv i ICR, për Guardian. “Imunoterapitë janë trajtime më të mira, më të zgjuara që mund të sjellin përfitime të konsiderueshme për pacientët.”