Komisioni hodhi poshtë amendimet e propozuara nga eurodeputeti hollandez Daniel Van der Stoep që t’i kërkohej Shqipërisë dhe Bosnjes tërheqja nga Konferenca Islamike si kusht për liberalizimin e vizave. Në këtë mbledhje komisioni votoi edhe për opinionin e miratuar nga komisioni i Jashtëm, në të cilin thuhet se ky proces duhet të kryhet sa më shpejt. Parlamenti Europian pritet të diskutojë këtë rezolutë në datat 6 dhe 7 Tetor dhe pas një muaji do të jenë ministrat e Brendshëm të Bashkimit Europian që do rekomandojnë heqjen e vizave për shtetasit e Shqipërisë dhe Bosnjes.
