Shqipëri | Fyle: 2012, viti i mundësive

Ndërsa po merrte pjesë në samitin e 20-të për vendet e Ballkanit Perëndimor “Miqtë e Evropës”, komisioneri për zgjerimin ka folur për Shqipërinë duke vlerësuar konsensusin e arritur mes qeverisë dhe opozitës për votimin e disa ligjeve dhe nisjen e reformës zgjedhore. “Jam inkurajuar nga hapi deçiziv në Shqipëri për realizimin me konsensus të një numri reformash. Inkurajoj mazhorancën dhe opozitën që të mbështeten tek një dialog politik konstruktiv dhe të krijojnë një moment të ri për integrimin në BE. 2012, më në fund, mund të jetë viti i mundësive”, tha Fyle.