Shkodër – Gjobiten tre komisionerë

Bëhet fjalë për komisionerët Edmond Pjetraj, Pjetër Lazri dhe Aurel Hila, që të tre të pranishëm në qendrën nr. 342 të fshatit Juban në Shkodër ditën e zgjedhjeve. Mësohet se ata janë konsideruar si fajtorë për shpërdorim detyre, por edhe për falsifikim dokumentash, shoqëruar në fund edhe me akuzën për largim nga qendra e votimit në ditën e votimeve, kur kanë qenë të ngarkuar me detyrën e miradministrimit të procesit zgjedhor. Ndërkaq, bëhet me dijeni se komisionerët e djathtë u thirrën vetëm të dëshmonin në procesin e ngritur për të diskutuar mbi problemet që u ndeshën në qendrën e lartpërmendur gjatë zgjedhjeve të 28 qershorit. Kujtojmë se në zonën e Jubanit dolën edhe 27 fletë votimi më shumë se numri i zgjedhësve, ndërsa Kolegji Zgjedhor dhe KQZ e nxorën të pavlefshme atë.