SHBA – Sanksione shtesë ndaj Iranit

Sanksionet përmbajnë bllokimin e aseteve të disa zyrtarëve të lartë iranianë, në listën e të cilëve ndodhen kreu i Rojeve Revolucionare, Prokurori i Përgjithshëm dhe Ministri i Inteligjencës, si dhe ndalimin e shtetasve amerikanë që të kryejnë marrëdhënie biznesi me këta persona. “Nën regjimin dhe komandën e këtyre zyrtarëve, populli iranian është torturuar, përdhunuar e vrarë. Qeveria iraniane ka injoruar thirrjet e përsëritura të komunitetit ndërkombëtar për t’u dhënë fund këtyre abuzimeve dhe të respektojë të drejtat themelore të njeriut”, tha në fjalën e saj sekretarja Klinton.