SHBA – Obama kërkon fond 2 miliardë dollarë kundër gripit H1N1

Në një letër drejtuar kryetares së Dhomës së Përfaqësuesve, Nancy Pelosi, Obama deklaronte se kërkonte një fond shtesë në një moment “kur ka shumë arsye për shqetësim”. Obama i kishte kërkuar më parë Kongresit miratimin e një fondi prej 1,5 miliardë dollarësh për të blerë një kontigjent shtesë medikamentesh antivirale, pajisje emergjencash dhe për krijimin e një vaksine. Gjithashtu presidenti Obama ka kërkuar një fond prej 200 milionë dollarësh ndihma për Pakistanin, ku 2,5 milionë njerëz janë shpërngulur nga shtëpitë e tyre për shkak të fushatës së qeverisë kundër rebelëve. Kërkesa nëse aprovohet, e con koston e fondit të Obamës për përpjekjet ushtarake dhe diplomatike në Irak dhe Afganistan në më shumë se 100 miliardë dollarë.