Rumani – Rrëzohet qeveria, votohet mocion mosbesimi

Në votim morën pjesë 254 deputetë dhe senatorë të cilët votuan në favor të këtij dokumenti dhe 176 kundër, ndërkohë që 236 vota ishin të mjaftueshme për miratimin e tij. “Është nder për një qeveri të shpërbëhet ndërsa favorizon një reformë me objektiv heqjen e privilegjeve”, deklaroi Boc duke iu referuar reformës së pensioneve që ai mbronte përpara këtij votimi. Dy grupet e opozitës që e kërkuan këtë veprim, Partia Nacional Liberale (PNL) dhe Bashkimi Demokratik i Hungarezëve (UDMR), të bashkuar me socialdemokratët (PSD), e kritikonin atë për krijimin e një qeverie “të paligjshme”, të formuar vetëm nga ministra të Partisë së tij Demokrate-liberale (PDL). PSD-ja doli nga koalicioni në pushtet më 1 tetor, për të protestuar kundër shkarkimit të njërit prej ministrave të saj.