Pse disa njerëz janë më energjik se disa të tjerë? Ja sekreti i tyre!

Me shumë mundësi e ke vënë re që disa njërëz kanë më shumë energji se të tjerët, por ku qëndron sekreti i tyre?

Hidratimi: 70% e trupit tonë është i përbërë nga uji. Nëse trupi është mjaftueshëm i hidratuar atëherë do të jeni në gjendje për të kryer çfardolloj aktiviteti pa pasur komplikime.

Ecja: Punoni në zyrë? Ju duhet të qëndroni për shumë kohë ulur dhe në të njejtin pozicion për orë të tëra? Levizni, merrni pak kohë për veten, ecni. Nëse do t’iu duhet të shkoni në këmbë në zyrë, bëjeni. Do t’iu ndihmojë mjaftueshëm në sistemin e qarkullimit të gjakut si dhe redukton ankthin dhe zbraz mendimet.

Ji optimist: Ka shumë persona të cilët ankohen gjatë gjithë kohës dhe shpesh herë janë pesimistë. Studimet kanë treguar se personat optimistë janë më të shëndetshëm dhe kanë më shumë energji.

Krijo hapësirë për relaksim: Tashmë është e provuar që personat që janë më produktiv gjatë ditës krijojnë kohë për relaksim. Kjo nuk do të thotë që duhet të qëndrosh shtrirë gjithë kohën por të gjesh një hapësirë kohore për t’u qetësuar.

Duhet të jeni të lidhur me natyrën: Përfitimet e të qënurit të lidhur me natyrën janë të mëdha. Të jesh i lidhur me natyrën do t’iu ndihmojë të jeni më vital dhe të keni më shumë energji. Tani besojmë e dini zgjidhjen se ku duhet të drejtoheni kur nuk keni mjaftueshëm energji. /Tring/