E cilësojnë si “luan” fansat jashtë, por Luizi duket se është lodhur nga situatat dhe provokimet që po merr çdo ditë nga të gjithë, përfshirë edhe produksionin, në “Big Brother VIP”.
Madje Luizi po mendon largimin. Në një bisedë me Kiarën, ai deklaroi se nuk duron dot më pasi i ka të gjithë kundër dhe është i vetëm përballë tyre. Luizi u shpreh se nuk është i pathyeshëm dhe i paprekshëm dhe se 3 muaj qëndrim janë shumë.
“Dua të dal për Zotin. Nuk besoj se e fitoj kështu që… Do duroj sa do duroj, por s’mban më. Të gjithë kundër, rrinë lëshojnë nga një kunjë çdo ditë për të parë ku jam. Do vijë një moment kur do më zënë ngushtë. Tre muaj janë shumë, s’dihet kush vjen. I kam të gjithë bashkë kundër, s’di çfarë të bëj më. Nuk jam as i pathyeshëm, as i paprekshëm, as më i forti, jam ky që jam. Nuk mund të luftoj kaq gjatë.”- tha ai.
Nga ana tjetër, Kiara i dha kurajo dhe i tha të vazhdojë betejën për të fituar çmimin e madh.
Pas një debati të ashpër më Olta Gixharin, ku u ofendua dhe u kërcënua nga ajo, Luiz Ejlli mori një ‘goditje’ tjetër nga produksioni.
Produksioni vendosi që banorët të dëgjojnë muzikë me zë të lartë më të gjithë shtëpinë e “Big Brother”, ku një pjesë e këngëve ishin pikërisht të Butrintit. Nga ana tjetër, Olta Gixhari ishte gjithmonë aty për t’i lëshuar një koment ose provokim Luizit që të reagojë.
