Peshkopi – Berisha inauguron fillimin e punimeve për Ura e Çereçenit- Peshkopi

Kreu i qeverisë mori pjesë në nisjen e punës për sistemin e asfaltimit të rrugës Ura e Çereçenit- Peshkopi. Kjo rrugë sipas kryeministrit Berisha, jo vetëm lidh Peshkopinë me Kukësin, por hap një prespektivë të madhe zhvillimi për qarkun e Peshkopisë dhe tregun e saj “Peshkopia me përfundimin e asaj rruge dhe rrugës së “Arbrit” do të ketë lidhjet më moderne me Tiranën, Prishtinën, Shkupin. Kushdo që vjen në Dibër, kushdo që lexon për dibranët frymëzohet nga shpirti i tyre punëtor, ju nuk lini një pëllëmbë tokë pa punuar” u shpreh kryeministri Berisha në fjalën e tij. Në vijim të premtimeve për një infrakstrukturë më të zhvilluar, kryeministri berisha tha se së shpejti do të nisë ndërtimi i rrugës që bashkon Peshkopinë me Librazhdin duke shkurtuar më shumë rrugëtimin nga një skaj i Shqipërisë në skajin tjetër. Por gjatë vizitës në Peshkopi, kryeministri në këtë fillim viti të ri shkollor lajmëroi dhe hapjen e Universitetit në qytetin e Peshkopisë. “Në këtë vit do të filloj në Peshkopi, “Universiteti i Peshkopisë”, një premtim tjetër elektoral. Ju meritoni të gjitha premtimet dhe realizimet, ndaj ju jap fjalën se për çdo premtim që kam dhënë para jush do ta bëj realitet” tha Berisha.