Marrëveshja e kujdestarisë për tre fëmijët e Jessica Alba-s dhe Cash Warren është bërë publike.
Një gjykatës miratoi marrëveshjen e divorcit të ish-bashkëshortëve më 16 mars dhe sipas dokumenteve të siguruara nga Page Six, Alba dhe Warren do të ndajnë kujdestarinë ligjore dhe fizike të të gjithë fëmijëve të tyre, vajzat Honor Marie, 17 vjeç, dhe Haven Garner, 14 vjeç, si dhe djalin Hayes, 8 vjeç.
Dokumentet specifikojnë se as Alba, 44 vjeç, dhe as Warren, 47 vjeç, nuk do t’i paguajnë njëri-tjetrit mbështetje financiare për fëmijët dhe janë urdhëruar të mos diskutojnë asnjë proces ligjor ose të bëjnë komente fyese për njëri-tjetrin para fëmijëve të mitur.
Marrëveshja e divorcit gjithashtu parashikon që çdo pronë e konsideruar si pasuri e përbashkët, përfshirë shtëpitë, veprat artistike dhe mobiljet, të ndahet në mënyrë të barabartë, duke përfshirë gjithçka që ata kanë blerë nga koha e martesës së tyre më 19 maj 2008 deri te ndarja më 27 dhjetor 2024.
Ata gjithashtu kanë të drejtën e gjysmës së fitimeve të njëri-tjetrit nga projektet e filmave dhe televizionit që secili ka realizuar gjatë martesës. Kreditet e aktrimit të Albës përfshijnë filma si “Sin City: A Dame to Kill For”, “Valentine’s Day” dhe të tjera, ndërsa projektet më të njohura të Warren-it përfshijnë “30 for 30” dhe dokumentarin “Crips and Bloods: Made In America”.
Sa i përket kompanisë The Honest Company të Alba-s, Warren do të marrë 50 për qind të aksioneve të kufizuara.
Ata nuk do t’i paguajnë njëri-tjetrit mbështetje bashkëshortore apo për fëmijët.
Alba dhe Warren, të martuar për 16 vjet, finalizuan divorcin në shkurt, dy vjet pas ndarjes së tyre në dhjetor 2024.
Jessica Alba njoftoi ndarjen në janar 2025, duke shkruar në Instagram: “Kam qenë në një udhëtim të vetëdijes dhe transformimit për vite me radhë, si individ dhe në partneritet me Cash.”
Ajo shtoi:
“Jam krenare për mënyrën se si kemi evoluar gjatë martesës sonë gjatë 20 viteve të fundit dhe tani është koha të fillojmë një kapitull të ri rritjeje dhe evolucioni si individë. Po ecim përpara me dashuri, mirësjellje dhe respekt për njëri-tjetrin dhe gjithmonë do të mbetemi familje.”
Që nga ajo kohë, të dy janë përfshirë në marrëdhënie të reja romantike. Alba është në lidhje me aktorin Danny Ramirez, 33 vjeç, ndërsa Warren është parë së fundmi me aktoren dhe këngëtaren 22-vjeçare Seanna Pereira, pas një lidhjeje të shkurtër me modelen 25-vjeçare Hana Sun Doerr.
