Në një kohë si kjo e jona ku pandemia e COVID-19 ka marrë më shumë se 100.000 jetë është e vështirë të flitet për lumturi. Megjithatë si çdo vit në 20 Mars, “Dita Ndërkombëtare e Lumturisë” publikohet raporti i OKB i lumturisë në botë.
Për të tretin vit rradhazi listën e kryeson Finlanda, e ndjekur nga Danimarka dhe Zvicra e cila ka lënë jashtë treshes së parë Norvegjinë, një shtet që tradicionalisht është renditur shumë lart në indeksin e lumturisë.
Gjithashtu, lumturia duket se është shtuar në SHBA e cila sivjet është renditur në vendin e 18 në listë, një pozicion më lart se vitin e kaluar. Mbretëria e Bashkuar pati një rritje prej dy pozicionesh (nga e 15-ta vjet në e 13-ta sivjet), Gjermani mori pozicionin që kishte vitin e kaluar duke u renditur e 17-ta. I vetmi vend i Europës lindore në këtë listë është Çekia e cila renditet e 19-ta.
Përsa i përket ekonomive të mëdha jashtë 20-shes të parë, Japonia është renditur e 62-ta (katër vende më poshtë se vjet), Rusia e 73-ta (5 vende më pak se vjet) dhe Kina e 94-ta (një pozicion më poshtë se viti 2019).
Ndërkohë vendi ynë Shqipëria renditet si shteti i 105-të më i lumtur në botë prapa Laosit dhe Nigerit.
20 Shtetet më të lumtura në botë:
1. Finlanda
2. Danimarka
3. Zvicra
4. Islanda
5. Norvegjia
6. Holanda
7. Suedia
8. Zelanda e Re
9. Austria
10. Luksemburgu
11. Kanadaja
12. Australia
13. Mbretëria e Bashkuar
14. Izraeli
15. Kosta Rika
16. Irlanda
17. Gjermania
18. SHBA
19. Republika Çeke
20. Belgjika
