Prindërit e tre djemve, e zbuluan këtë fakt gjatë vizitës së javës së 16-të në spitalin privat RIVERS HOSPITAL në Hertfordshire. “David dhe Victoria janë shumë të lumtur. Ky do të jetë fëmija i tyre i fundit dhe vajza është si qershia mbi tortë për familjen Beckham. Të gjitha ëndrrat e tyre u realizuan.”,- ka thënë një mik i çiftit për gazetën THE SUN. Victoria nuk e ka fshehur asnjëherë dëshirën për të pasur një vajzë të vogël me të cilën të bënte gjëra gocash.
Ndërkohë ka filluar të qarkullojnë zëra se Znj. Beckham do të pozojë nudo me barkun e shtatzanisë për revistën amerikane VOGUE. Ajo është duke konsideruar që të shfaqet me barkun e saj në kopertinën e revistës prestigjoze, një ide kjo që tashmë ka marrë aprovimin e Anna Wintour. “Duke njohur Victoria-n padyshim që do të bëjë diçka unike. Nuk është një gjë fort në stilin e VOGUE, por ekipi i revistës do t’a bëjë këtë ide “fashion”. Të gjithë po presin që ai botim të publikohet dhe të mbarojë sa hap e mbyll sytë nga raftet e librarive. Victoria është një ikonë mode”,- ka thënë një burim për britaniken STAR.
Nëse ky projekt do të realizohet Victoria do t’i shtohet listës së gjatë të celebriteteve që pozojnë nudo kur janë shtatzënë. “Edhe pse ende nuk është firmosur asnjë marrëveshje, Victoria do të sigurohet se do të jetë femra shtatzënë më sexy e të gjitha kohërave”,- ka thënë burimi. Dhe ne jemi të bindur që ku është Victoria idetë unike mbizotërojnë.
