Universiteti Temple në Filadelfia, SHBA, do të nisë këtë vjeshtë një kurs pasuniversitar të titulluar “Kendrick Lamar and the Morale of M.A.A.D City”. Leksiont do të mbahen nga Profesor Timothy Welbeck, Profesor i Asociuar i Afrikologjisë dhe Studimeve Afro-Amerikane.
Duke njoftuar kursin e tij të ri universitar, Profesor Welbeck shpjegoi pse zgjodhi reperin nga Compton, një periferi e Los Angeles:
“Kendrick Lamar është një nga zërat më ikonikë të gjeneratës së tij, me një aftësi të jashtëzakonshme për të artikuluar dinamikat e larmishme të jetës së njerëzve me ngjyrë dhe kërkimin për vetërealizim, veçanërisht duke kapur narrativat e margjinalizimit dhe qëndrueshmërinë e nevojshme për t’i kapërcyer ato.”
Ikonat e kulturës pop po gjejnë gjithnjë e më shumë rrugën e tyre drejt akademisë, pasi historitë e tyre ofrojnë njohuri të fuqishme mbi mësimdhënien e koncepteve themelore dhe rritjen e angazhimit të studentëve. Kursi kushtuar Kendrick Lamar dhe MAAD City – një akronim që tregon adoleshencën e tij, por edhe një grup hip hop nga skena kaliforniane e viteve ’90 – do të eksplorojë jetën dhe muzikën e reperit nga një perspektivë afrocentrike. Në veçanti, Profesor Welbeck do të përpiqet të analizojë kushtet socio-ekonomike dhe kulturore të qytetit të tij të lindjes, Compton, dhe ndikimin e politikave që synojnë afrikano-amerikanët në tekstet e tij.
