Geri Halliwell i ka mahnitur të gjithë kur është shfaqur e veshur me fustanin e bardhë, për tu martuar me pronarin e Formula Një, Christian Horner.
Ish-anëtarja e grupit Spice Girl kishte veshur një fustan me dantellë dhe me vello të gjatë, ndërsa ceremonia është zhvilluar në një Kishë në Bedfordshire.
Halliwell dhe Horner shoqërohen prej një viti ndërsa janë fejuar në Nëntor 2014.
Ndër të ftuarit në ceremoni kanë qenë Emma Bunton, Myleene Klass, Amanda Holden dhe Jennifer Saunders
Prindërit e Christian, ashtu sic kishin njoftuar që më parë, nuk ishin të pranishëm.
Sipas burimeve, ata nuk kanë reaguar mirë ndaj ndarjes së djalit të tyre me partneren e tij prej 14 vitesh, Beverley Allen, dhe ndaj lidhjes me këngëtaren.
