Maqedoni – Laitinen, heqja e vizave vendim politik

Kështu ka deklaruar në Shkup drejtori ekzekutiv i Agjencisë për menaxhimin e kufijve të jashtëm të vëndeve të BE, Ilke Laitinen. “Kemi parë progres në planin e reformave. Megjithatë, nuk mund të parashikojmë një rrjedhë pozitive për liberalizimin e vizave, pasi vendimi do të jetë politik”, ka pohuar Laitinen. Drejtori i FRONTEKS ka shtuar më tej se agjencia e drejtuar prej tij nuk ka një mandat politik dhe për pasojë vendimin për vizat do ta japë Komisioni Evropian.