Një përpjekje e sinqertë e Lindsay Lohan për të frymëzuar të gjithë ndjekësit e saj në rrjetin social “Instagram”, shkoi keq.
Aktorja 28-vjeçare shpërndau një foto me mbishkrimin “Ti je i/e bukur” në dy gjuhë, ose të paktën kështu kujtoi ajo deri kur mësoi të vërtetën.
Nëse në anglisht 28-vjeçarja ishte e sigurtë për atë që ishte shkruajtur në foto, në arabisht ndodhi një gabim i madh.
Në të vërtetë shkrimi me gërma arabe përkthehej “Je një gomar”.
Sigurisht mes 3.5 milion ndjekësve të saj, ta paktë janë ata që e kanë kuptuar menjëherë se për çfarë bëhej fjalë, por kjo ka mjaftuar që gafa e radhës e LiLo të shpërndahej me shpejtësi.
Kjo nuk është hera e parë që aktorja i hap telashe vetes me arabishten. Në muajin Janar, duke dashur të shprehë dhimbjen për ndarjen nga jeta në moshën 90-vjeçare të Mbretit Abdullah, postoi në “Instagram” një foto me nënshkrimet arabisht “Inshallah” (Do Zoti) dhe Wallah (I premtoj Zotit), që të dyja të përdorura krejtësisht pavend për rastin në fjalë.
