Bilanci i është dhënë ministrit të Jashtëm italian Franco Frattini nga presidenti i Këshillit Tranzitor të Libisë, Mustafa Abdel Jalil, i cili ndodhet në Romë. Shefi i diplomacisë italiane ka deklaruar se vendi i tij do t’u shpjegojë vendeve të tjera evropiane përse edhe ato duhet ta mbështesin Këshillin Tranzitor të Libisë, “nga i cili do të lindë Libia e re”. “Nëse mbështetësit e Gaddafi-t do të gjendeshin në rrezik për jetën, ata do të ndihmoheshin ashtu sic do të ndihmohej cdo qytetar libik”, ka deklaruar më tej Frattini. Ndërsa lideri Jalili, nga ana e tij, ka garantuar se Këshilli do të respektojë të gjitha traktatet ndërkombëtare, duke filluar nga ai i miqësisë italo-libike. Sipas Frattini-t, respektimi i këtij traktati do të mund të vazhdojë kur kushtet e sigurisë në territorin libik ta bëjnë të mundur një gjë të tillë. “Prej këtej do të nisë një fazë rindërtimi, rifillimi dhe mbështetjeje për të gjithë Libinë”, ka shtuar ministri i Jashtëm italian.
