Lezhë – Arrestohet një person për armëmbajtje pa leje

Arrestimi u bë për arsye se pas një kontrolli të ushtruar në një ndërtesë, e cila shërben për bagëtitë në pronësi të tij dhe që ndodhet në fshatin Shëmri të Mamurrasit, u gjet një arsenal i vërtetë armësh. Konkretisht, atij iu gjendën dhe u sekuestruan në cilësinë e provës materiale një armë zjarri dhjetëshe mod.56, kalibër 7.62 mm; një armë gjuetie teke artizanale; një sasi prej 1597 copë fishekë; 4 fishekë arme gjahu; një sasi prej 154 copë kallëpe dinamit; një sasi prej 53 copë kapsolla detonatore si edhe një fitil zjarr-përcjellës në sasinë 6.25 m. Nga ana e strukturave përkatëse të policisë janë kryer veprimet proceduriale për dokumentimin ligjor të kësaj vepre penale. Ndërsa materialet proceduriale i kalojnë prokurorisë së Kurbinit për veprat penale të “Prodhim dhe mbajtje pa leje e armëve luftarake dhe e municionit” dhe ”Prodhim dhe mbajtje pa leje e armëve të gjuetisë dhe sportive” parashikuar nga nenet 278/2,3 dhe 280 të Kodit Penal.