Kryeministri në detyrë i Kosovës, Albin Kurti, ka deklaruar se pas certifikimit të zgjedhjeve parlamentare pret që votimin e qeverisë së re dhe të kryetarit të Kuvendit ta realizojë brenda një seance parlamentare.
Kjo është një formulë e përdorur 4 vite më parë, por aktualisht duket e pamundur, pasi Vetëvendosja ka 48 deputetë dhe nuk i ka 61 votat e nevojshme për formimin e qeverisë. Si PDK dhe LDK, dy partitë kryesore të opozitës që kanë së bashku 44 deputetë, kanë refuzuar në mënyrë kategorike një koalicion qeverisës me Vetëvendosjen.
Advertisement
Partisë së Kurtit, si parti e parë fituese, i lind e drejta për formimin e qeverisë. Në rast se nuk e formon dot, i lind e drejta partisë së dytë, që është PDK-ja.
