Kroaci, ish-modelja e Playboy do të kandidojë për presidente

“Rinia po largohet, numri i lindjeve sa vjen e bie. Nuk mund të rri duarkryq teksa vendit tim i ndodhin gjëra kaq të këqija. Politika është dashuria ime e dytë. Kam vendosur të kandidoj për presidente,” shkroi ajo në faqen e Instagramit. 

Ava Karabatic, një ish modele e Playboy, Reality TV dhe artiste nga Kroacia, ka vendosur të kandidojë për presidente e vendit. Ajo thotë se ka një platformë të gjerë që synon të kapë votën e të rinjve.

Pjesë e kësaj platforme janë rritja e eksporteve dhe ulja e importeve, shtimi i vendeve të punës për të rinjtë, hyrja në zonën Shengen dhe ndalimi i abortit pasi embrioni të jetë gjashtë javësh.

Po ashtu, ajo do të legalizojë marijuanën dhe prostitucionin që punonjëset e seksit të jenë të sigurta dhe të paguajnë taksa.

/TopChannel/