Kosovë – Trajkovic formon subjekt politik për zgjedhjet e jashtëzakonshme

Mediat serbe raportojnë se Trajkovic, ka thënë se po punon seriozisht në krijimin e një blloku unik, me një listë të përbashkët që do të ketë 110 kandidatë. Ajo ka thënë se për formimin e kësaj liste po bisedon me anëtarët e të gjitha partive në Beograd, pa marrë parasysh nëse qendrat e këtyre partive janë deklaruar kundër apo s`janë deklaruar ende për pjesëmarrje në zgjedhje. Ajo ka thënë se pret që Qeveria e Serbisë nuk do të sanksionojë ata që vendosin të marrin pjesë në zgjedhje.