Kosovë | Tahiri: jemi drejt nënshkrimit të marrëveshjeve

ka ardhur nga shefja e delegacionit kosovar në dialogun teknik me Serbinë, Edita Tahiri. Ajo shprehet se gjithçka mund të finalizohet më 2 Korrik, në raundin e radhës të dialogut, ndërsa ka shpalosur detaje të pakos që përfshin gjashtë marrëveshje, të cilat janë formuluar nga ndërmjetësi i BE-së, Robert Cooper. Kjo marrëveshje u është bërë e ditur palëve më 6 Qershor, ndërsa tani ekipet e ekspertëve po bëjnë finalizimin e detajeve. “Mendimi im është se janë afruar shumë pikëpamjet. Po ashtu, që pala jonë tashmë ka dhënë pëlqimin në parim për propozimet që i ka paraqitur më 6 Qershor ndërmjetësi Robert Cooper. Ne mendojmë se ato propozime janë mjaft të mira dhe japin zgjidhje të mirë për çështjen e lëvizjes së lirë të qytetarëve, pra vendosjen e një reciprociteti në fushën e lëvizjes së lirë”, ka thënë Tahiri, për Express. Për Shefen e delegacionit kosovar, propozim marrëveshjet që kanë dalë më 6 Qershor nga Cooper, përfshijnë idetë e të dyja palëve dhe idetë europiane.