Kosovë – Kosumi prezanton subjektin e tij për zgjedhjet e Dhjetorit

Në takimin promovues, Kosumi ka deklaruar se ka ardhur koha që cdo familje kosovare të ndjejë aspektet pozitive të lirisë së shtetit dhe që cdo kosovar të ndjejë sigurinë që i ofron shteti. “Është koha të mësojmë nga të tjerët dhe jo ta provojmë mbi lëkurën tonë. Armiqësitë partiake e fusin shtetin në një krizë të pandërprerë që e gërryen atë. Është momenti që të mësojmë se pushteti është në shërbim të qytetarit dhe jo një mjet për t’u pasuruar”, ka pohuar Kosumi. Deri “dje” ish-kryeministri i Kosovës, i cili u kritikua për një rendiment të ulët gjatë kohës që ishte në detyrë, ishte anëtarësuar në radhët e AAK-së.