Kaos në Kuvend/ “Nuk ka çështje tjetër sot përveç asaj të McGonigal”, Berisha dhe deputetët e PD bllokojnë foltoren, Nikolla e përjashton…

Sali Berisha përjashtohet nga seanca e Kuvendit pas debateve të forta dhe bllokimit të foltores.

Ka nisur prej disa minutash seanca plenare, teksa deputetët e PD me në krye Sali Berishën i janë drejtuar foltores së Kuvendit. Kryetarja e parlamentit i ka tërhequr vëmendjen, por Berisha i rrethuar nga deputetët e PD ka bllokuar foltoren.

Advertisement

Rreth tij është mbledhur dhe garda. Ditën e sotme, 16 deputetë të PD-së, mes tyre Berisha i kërkuan Kuvendit të ndryshonte rendin e ditës për të futur si çështje të parë çështjen “McGonigal” dhe mbledhjen e konferencës së kryetarëve në orën 11:00, por kjo kërkesë nuk u pranua.

Nikolla: S’ka nevojë që të vini të gjithë zoti Noka. Keni vetëm 3 minuta, shikoni rregulloren.

Gjithsesi Berisha vijoi të fliste për çështjen McGonigal.
Kreu i PD-së Sali Berisha deklaroi sot se oligarku rus Deripaska i ka tentakulat e tij në të gjithë sektorët e konomisë shqiptare.
Ai akuzoi Damian Gjiknurin si zëdhënës të interesave ruse në Shqipëri.
“Nuk mund të ketë sot debat tjetër përveç këtij debati. Shqiptarët duhet të marrin vesh të vërtetën. Edi Rama të vijë këtu të japë dorëheqjen dhe të shkojë të dëshmojë në SHBA.
Çfarë doni më shumë se kaq? A e dini kush ishte McGonigal, funksioni i tij, që i çuat ju paratë e kompanive të oligarkut rus. E dini ju se Deripaska i ka tentakulat e tij në të gjithë sektorët e ekonomisë shqiptare.
A e dini ju se Damiani juaj është zëdhënës kryesor i interesave ruse në Shqipëri”, tha Berisha.

Pas bllokimit për 30 minuta Nikolla: Jeni për masën e tretë që është ëprjashtim nga seanca

Berisha: Ne do e mbajmë fjalën deri nesër në drekë. Mbylle, ikni po të doni, Ne do u flasim shqiptarëve.

Nikolla: Berisha ju lutem lironi sallën.