Aktorja Jennifer Aniston bëri një rikthim surprizë në një reklamë të Dunkin’ gjatë Super Bowl-it, duke rikujtuar Rachel-in aq të dashur nga njerëzit nga sitcom-i i famshëm “Friends”. Dhe po, ajo solli sërish look-un legjendar të viteve ’90 që të gjithë e kemi mbajtur mend.
Në reklamë, Aniston shfaqet me flokë të gjatë, të drejta dhe me shkallëzime të holla, ndarë anash dhe me një kapëse që mban një pjesë të flokëve mbrapa, fiks si Rachel Green. Përveç kësaj, veshja e saj tipike “e aprovuar nga Rachel” përfshinte pantallona të shkurtra të lirshme mbi një bluzë të bardhë, duke rikrijuar stilin ikonik që ka bërë histori.
Në skeç, Jennifer Aniston luan të dashurën e Ben Affleck. Kur ai përpiqet të flirtojë me një grua tjetër, ai thotë “jemi në një pauzë,” duke iu referuar frazës së famshme të Ross nga “Friends”.
Prerja “Rachel” e flokëve është ndër prerjet më të famshme që televizioni ka parë ndonjëherë. Nuk është hera e parë që Aniston rikthen këtë look: në gusht 2025 ajo prezantoi një version të përditësuar të tij me shkallëzime të gjata që i rrethonin fytyrën, dhe e ka rikthyer sërish në Golden Globes dhe SAG Awards.
Jennifer Aniston na rikujtoi se Rachel Green nuk largohet kurrë nga zemrat tona dhe se flokët ikonike nuk harrohen lehtë!
