Jo, nuk është një koncert, por pasarela e “Sunnei”, marka që prezantoi koleksionin e vjeshtës për vitin 2023, në një mënyrë shumë të çudtishme.
Jemi mësuar që modelet t’i shohim në pasarelë, ama “Sunnei” pati një tjetër ide: Modelet (të cilat nuk ishin profesioniste, por anëtare të stafit) lëshoheshin në rënie të lirë mbi turmën e të ftuarve, si yje rock-u dhe kështu prezantonin veshjet.
Sigurisht, shfaqja u bë virale dhe pjesa më e bukur ishte se momentet e tilla nuk ishin shkrepur nga fotografët, por njga një kamera e vendosur sipër turmës, nga dizajnerët e modës Loris Messina dhe Simone Rizzo.
Megjithatë, duhet ta pranojmë, fotot ishin fantastike dhe tregojnë se tanimë, moda dhe njerëzit janë një, duke transmetuar energjinë e dhomës dhe modelet që ndonëse nuk ishin profesioniste, sërish dukeshin yje.
